Reembolsu na donashon di selula di stam

Un di e principio mas importante di donacion di stem cell ta cu e proceso ta boluntario y, pa e motibo ey, e donante no ta wordo paga. Esaki ta legalmente regula pa garantisa e seguridad di tanto e donante como e pashent. Esaki ta nifica, entre otro, cu como donante di stem cell bo no por haña ganashi material, ni monetario, ni den otro ningun otro forma.

Cobertura di gasto pa donacion di stem cell

En caso cu mester haci gasto relaciona cu e donacion, naturalmente esakinan si ta wordo cubri door di Matchis Caribbean. Bou di esaki ta cay, por ehempel: gasto di biahe, gasto di estadia na Hulanda, ausencia di trabou, etc.
Ademas, tambe ta posibel pa trece un miembro di famia of un persona conoci pa bai Hulanda como acompañante durante e periodo di donacion. Tur gasto cu bo persona como donante tin rond di e proceso di donacion, mas e gasto di e acompañante, ta wordo cubri door di Matchis Caribbean.

Tur esaki ta wordo coordina di antemano y cu bon comunicacion. Nos ta pidi bo pa warda tur recibo y manda nan hunto cu bo declaracion.

Seguro

Tur actividad medico cu ta tuma lugar den hospital na Hulanda ta cai bou di e seguro di responsabilidad di e hospital y e seguro adicional pa donante di Stichting Matchis.
Tur gasto relaciona cu e donacion ta wordo cubri via Stichting Matchis y pasa pa e seguro di salud di e pashent na ken bo ta donando.
Esaki ta nifika cu bo mes seguro di salud no lo wordo uza.