Ki ora un persona tin mester di un stamcel?

Leukemia 

Leukemia ta un nomber colectivo pa diferente forma di cancer di sanger. Nos ta distingui e siguiente 4 formanan:  

• Leukemia Myeloïde Agudo (AML - Acute Myeloïde Leukemie)
• Leukemia Myeloïde Cronico (CML - Chronisch Myeloïde Leukemie)
• Leukemia Linfatico Agudo (ALL - Acute Lymfatische Leukemie)
• Leukemia Linfatico Cronico (CLL - Chronisch Lymfatische Leukemie)  

Tur aña, shen mil di hende rond mundo ta haya un forma di leukemia. E donantenan di stamcel por haci posibel pa e pashentnan di leukemia por cura completamente di e enfermedad. Pa esaki ta necesario cu e tipicacion di tehido di e donante y e pashent ta compatibel. E chens cu dos hende ta compatibel cu otro ta hopi chikito, pues p’esey ta importante pa tin mas tanto donante di stamcel posibel registra.  

Interupcion den produccion di stamcel 

Nos sanger ta consisti di diferente tipo di cel di sanger, cu ta cuminsa manera formacion di sanger di stamcel den nos beenmerg. E stamcelnan aki por desaroya nan mes den: cel cora, cel blanco (cel inmunologico) of plaketa. Esaki ta un proceso continuo y cu ta garantisa cu e cel di sanger bieu of gasta, ta keda reemplasa pa cel nobo.  

Cerca un hende cu leukemia, e produccion di cel di sanger for di stamcel ta diferente. Den e curpa di un pashent cu leukemia, ta surgi un crecemento no regula di cel no desaroya. Como resultado e produccion di e cel di sanger normal den e beenmerg ta comprometi y esaki por trece situacion di peliger di bida, manera:  

• Infeccion (pasobra tin mucho poco cel blanco funcional)
• Sangramento (door di falta di plaketa/bloedplaatjes)
• Falta di oxigeno den tehido y organo saludabel (debi na e cantidad demasiado abou di cel cora)  

E causa di e crecemento no regula y particion di cel ta un daño den e material hereditario di un stamcel, cu despues ta cuminsa dividi sin control.  

Tratamento 

E tratamento ta depende di e tipo di leukemia. Hopi biaha ta scoge pa un tratamento cu kimoterapia y hopi biaha tambe radioterapia. E kimoterapia ta zorg pa destrui e celnan di leukemia. Cu radioterapia, ta bestraal e parti specifico di e curpa, loke ta causa daño local den e material genetico di e celnan. Como resultado, nan no por dividi nan mes mas.  

Transplante di stamcel

Si e tratamento no ta suficientemente exitoso of si e pashent tin un chens grandi di un recaida, por scoge pa un transplante di stamcel. Door di administra un stamcel saludabel for di un donante di stamcel, e pashent ta haya un chens pa cura completamente di e enfermedad.  

Prome cu un pashent por ta someti na un transplante di stamcel, ta necesario pa desactiva su propio beenmerg  y sistema inmulogico. E forma cu ta haci esaki, ta door di trata e pashent cu un dosis asina halto di kimoterapia y radioterapia, cu ta causa daño irevocabel na e beenmerg.                                         

Sin e tratamento aki, e sistema inmulogico di e pashent lo ataca y destrui e celnan di e donante, como resultado cu e transplante ta faya.  

Ta administra e stamcelnan nobo di un donante via un infusie y nan mes ta bay pa e beenmerg. Aki nan lo multiplica y mas despues produci celnan di sanger saludabel. Ta dura aproximadamente dos siman prome cu por constata den un labatorio cu e stamcelnan nobo ta haciendo nan trabou.  

Recuperacion 

Banda di traha e stamcelnan y e celnan di sanger nobo, e celnan di e donante tambe por reconoce e celnan di leukemia. Si e celnan di e donante por reconoce e celnan enfermo, nan por destrui nan, como resultado e pashent tin chens pa cura completamente di e enfermedad.  

Diferente forma di leukemia 

Otro cuadro di enfermedad  

Ademas di leukemia, un transplante di stamcel tambe por ta aplica pa otro enfermedad. Algun ehempel ta: 

• Myelofibrosis
• Sikkelcelanemie
• Thalassemie
• MDS
• Anemia aplastico (Aplastische anemie)