Ken por bira un donante di beenmerg?

Tur hende cu ta biba na Aruba, cu ta cumpli cu e rekesitonan di salud y tin e edad entre 18 y 50 aña, por registra nan mes gratis como donante di stamcel.

E edad minimo pa bira donante di stamcel ta 18 aña. E edad maximo pa registra ta 50 aña, unda cu por yama bo ainda te cu 55 aña. Desde 56 aña ta saca e donantenan automaticamente for di e registro sistema? Esaki ta door cu e calidad di e stamcel ta baha significantemente despues di e edad ey, mientras cu e risiconan di donacion di stamcel en realidad ta aumenta.  

Investigacion ta mustra cu e stamcel di donante mas hoben (preferibelmente entre e edad di 18 y 35 aña) ta duna mihor resultado di transplante na e pashentnan.  

Salud 

Ora di yena e formulario di registracion, lo puntra bo si bo salud ta permiti bo bira un donante di stamcel. Por ehempel, bo no por bira donante si bo a yega di haya un forma di cancer, of si bo tin un malesa auto-inmunologico of si tin otro problema di salud ta hunga un rol.  

Bo por bira un donante sin importa bo orientacion sexual of sexo.  

Ora selecta bo como un potencial match, bo lo pasa door di un screening medico amplio. Ta posibel, cu ainda durante e screening aki, por rechasa bo como donante.  

Nos ta uza e criterionan medico, pasobra nos ta responsabel pa e siguridad di e donante. No ta yuda niun hende, si surgi complicacion cu por a preveni.  

3 pregunta frecuente 

Mi ta tuma medicamento, mi por bira donante di stamcel?

Riba e formulario di registracion, no ta puntra tocante uzo di medicamento. Esaki ta door cu por pasa hopi tempo entre e registracion y un yamada real. P’esey, ora considera bo como un match potencial, ta contesta un lista di pregunta medico amplio.  

Bebe paracetamol, pilder di prevencion pa sali estado, of medicamento contra ADD of ADHD en general no ta un obstaculo. Sinembargo, cu otro tipo di medicamento (specialmente si ta uzo diario), por pasa cu bo no por haci donacion di stamcel den cierto caso. Si bo tin duda si bo ta eligibel, bo por consulta cu nos prome cu bo registra. 

Ki dia mi por registra como un donante di stamcel?

Riba e formulario di registracion, nos ta puntra si bo salud ta permiti bo pa bira un donante di stamcel.  

Bo no por registra como un donante di stamcel, bo no por registra como donante di stamcel si; 

  • Tin (tabatin) un forma di cancer   
  • Tin (factor di riesgo pa) malesa di curason y cardiovascular   
  • A haya un trombosis of embolia pulmonar  
  • Tin un transtorno di sanger congenito serio y/of un tendencia aumenta pa sangramento of trombosis  
  • Tin (tabatin) un malesa auto-inmunologico of otro malesa inflamatorio 
  • Tin un infeccion activo di B, C, sifilis of HIV (AIDS)   
  • Tin un malesa serio (fisico of psicologico), mester di remedi continuo y/of ta limita den nan funcionamento diario.  
Tin un limite di BMI si kier haci donacion di stamcel?

Na momento di registracion, no tin ningun limite di BMI. Sinembargo, tene cuenta cu si yama bo como un match potencial, por desaproba bo durante e screening medico si bo BMI ta demasiado abou of demasiado halto.