Con mi por registra como un donante di stamcel?

Na Aruba registracion ta solamente posibel durante e eventonan organisa aki. Esakinan lo tuma lugar na diferente momento y localidad. 

E prome registracion pa bira donante durante un donor drive:

Universidad di Aruba

18 di juni for di 10.00 am te 6.00 pm
19 di juni for di  4.00 pm te 7.00 pm
20 di juni for di 10.00 am te 1.00 pm
21 di juni for di 1.00 pm te 4.00 pm

HOH

19 di juni for di  10.00 am te 14.00 pm
21 di juni for di 10.00 am te 13.00 pm

Registra ta simpel

Durante e donor drive bo lo sigui algun paso cortico pa completa bo registracion como donante:

1. Check-in 
   Controla si bo ta eligibel pa bira donante di stamcel. Bo ta eligibel? E ora bo ta ricibi un kit di registracion. Bo tin pregunta of duda? Haci bo pregunta libremente mediante nos formulario di contacto.
2. Swab 
   Cu tres swab di catuna bo ta tuma muestra di parti paden di bo wang na un manera facil y sin dolor.
3. Formulario di registracion
   Mientras bo swabnan ta seca, yena e formulario online di registracion.
4. Check-out 
   Pone e swabnan di catuna den un envelop y entrega esaki. Nos mes lo percura pa manda nan laboratorio.

Kico ta pasa despues? 

Den e laboratorio, a base di muestra cu a tuma for di e parti paden di bo wang lo determina, entre otro bo tipificacion HLA, bo grupo di sanger y bo status di CMV.

Lo registra e datonan aki di forma anonimo den un base di dato mundial di donante di stamcel.  For di e momento ey, nos por contacta bo, si acaso resulta cu bo ta un match apropia pa un pashent. Di e forma aki bo por contribui na salba un bida.