HLA
Ora bo ta registra bo mes como donante di stamcel, ta determina bo tipificacion HLA. Basa riba e tipicacion aki, nos por mira si tin un compatibilidad entre abo como donante y un pashent. E tificacion HLA ta realisa den un laboratorio, uzando tres swabnan di catuna pa colecta slijmvlies di wang ora di haci registracion. Riba e pagina aki nos ta splica kico HLA ta exactamente.
Page content
Kico ta HLA?
HLA ta nifica Antigenonan di Leukosito Humano (Humaan Leukocyten Antigenen). HLA ta consisti di diferente proteina, cu ta ubica riba casi tur cel di bo curpa. HLA tin e forma di pincet y ta forma parti di bo sistema di defensa (sistema inmunologico). E pincetnan aki ta esunnan cu por identifica si algo ta di bo propio curpa of algo straño di e curpa. Nan ta percura cu bo curpa por ehempel reconoce y combati un bacteria, p’asina mantene bo curpa saludabel.
Tin asina tanto diferente profiel, como dies mil di variacion posibel, den e componentenan cu ta forma e proteinanan HLA. Tur e componentenan aki tambe por ta combina na diferente manera. Hunto nan ta forma bo propio profiel specifico di HLA. Pues ta existi cuantioso di diferente profiel di HLA. P’esey ta hopi dificil pa haya un hende cu exactamente e mesun combinacionnan cu e pashent. Esey ta e motibo tambe cu tin mester di un grupo hopi grandi di donante pa un pashent haya un compatibilidad.
Pakico e tipificacion di HLA di e donante y e pashent mester coresponde cu otro?
Ora di haci un transplante di stamcel, ta trece e stamcel (celula mama) di un donante den e curpa di e pashent. E ora bo lo kier pa surgi un reaccion chikito di defensa. Esaki kiermen cu e celnan donante ta mira e celnan di curpa di e pashent como uno straño. Door di esaki e celnan donante por reconoce y ataca e celnan malo di e pashent.
Si e celnan donante destrui e celnan malo di e pashent tin chens riba recuperacion. Sinembargo, e reaccion di defensa no mester ta demasiado fuerte tampoco, como resultado e celnan donante ta destrui hopi cel saludabel, pasobra den cierto forma e celnan di donante ta ataca e curpa di e pashent. Esaki por tin consecuencia grave pa e salud di e pashent. P’esey ta hopi importante tambe cu e tipicacion HLA di e donante ta coresponde mas tanto posibel cu esun di e pashent.
Kico ta e chensnan riba un compatibilidad dentro di famia?
Pues un pashent mester ricibi e stamcel di un donante cu tin e mesun tipicacion HLA. E informacion di HLA ta hereditario. Tur hende ta ricibi un pakete cu mitar di e HLA di su tata y e otro mitar di su mama. P’esey ta probabel cu bo no ta completamente compatibel cu bo mama y/of tata, sino solamente pa mitar. E chens cu bo ta compatibel cu un ruman ta 25%.
Otro miembro di famia
Den mayoria caso primo y prima lo comparti un maximo di 50% di e mesun profiel di HLA. Tin biaha tin cierto profiel di HLA asina comun den un comunidad, cu e mesun profiel ta aparece varios biaha den un famia. E ora ainda ta posibel cu mayor/yiu/primo/prima por ta completamente compatibel. E chens pa esaki ta chikito.
