Datonan Personal

Datonan Personal

Bo a duna Matchis Caribbean bo datonan personal di manera boluntario pa bo registracion como un potencial donante di stemcel. E datonan aki ta maneha y proteha pa Matchis na Hulanda. Lesa aki tocante e colaboracion aki. 

Matchis ta duna hopi balor na e proteccion di bo datonan personal pa salvaguardia bo privacidad. Ademas, bo datonan personal ta di gran importancia den e proceso pa identifica un posibel ‘match’ entre abo y un pashent na cualkier parti di mundo. 

Pa mas splicacion tocante e uzo di bo datonan personal, consulta e maneho di privacidad pa e donantenan di Caribe. 

Pa pregunta tocante e procesamento di e datonan personal, bo por tuma contacto cu: dp@matchis.nl.

Matchis ta ribici e datonan personal durante e registracion pa e siguiente metanan: 

• Registra, maneha y contacta e donantenan di stemcel
• Busca un ‘match’ adecua entre donante y pashent

Uzo di e datonan personal ora tin un match entre donante y pashent

Si haya un match adecuado entre un donante y un pashent, lo comparti un set minimo di dato seudonimisa cu e centro di transplante cu ta trata e pashent. E datonan aki por inclui informacion personal y medicamento relevante y ta compartie cu un number di donante unico. Di e forma aki ta proteha e privacidad y identidad di e donante pa e receptor. E informacion aki ta importante pa e tratamento di e pashent y por uz’e tambe pa investigacion cientifico relaciona cu transplante di stemcel. 

Durante e evaluacion medico (keuring) di e donante, lo colecta mas informacion medico, cu ta importante pa exclui of identifica na tempo cualkier riesgo relaciona cu e donacion. 

Prome cu e extraccion di stemcel di e donante, ta comparti e datonan relevante di e donante cu e centro di extraccion den e hospital y ta trata e datonan aki cu estricto confidencialidad. 

Solamente Matchis por identifica y localisa e donante mediante un number unico di identificacion di donante.