Organisacion

Matchis Caribbean ta un organisacion sin fin lucrativo, funda na aña 2025 na Aruba. E mision principal di Matchis Caribbean ta informa, recluta y registra donante di stamcel entre 18 y 50 aña den Region Caribens.

E campaña di informacion y reclutamento aki lo cuminsa na Aruba na 2026 y den e siguiente añanan lo amplia na e otro islanan den e parti Caribense di Reino Hulandes. Pa logra esaki, Matchis Caribbean ta traha den colaboracion estrecho cu Stichting Matchis na Hulanda.

Directiva Matchis Caribbean

E directiva di Matchis Caribbean ta consisti di un director ehecutivo y tres miembro no ehecutivo di directiva.

Director ehecutivo:

Ayoni Guda 

E miembronan no ehecutivo di directiva:

Sonja Kersten
Kaylen Guda
Tai Foo Lee

Origen Matchis Caribbean

Na 2023, e miembronan di famia di e Arubiano Mayrin, pues mama di e miembronan di directiva Ayoni y Kaylen, a acerca Stichting Matchis. Na e momento ey, tabatin un buskeda intensivo pa haya un donante di stamcel pa Mayrin. 

Pa aumenta e posibilidad pa haya un match apropia, e famianan di Mayrin a uni forsa cu Matchis pa explora e posibilidadnan di registra donante di stamcel na Aruba. E tempo ey, ainda no tabatin infrastructura pa haci esaki posibel. 

Den e añanan cu a sigui, e iniciativa aki a crece te bira un proyecto mas amplio, cu ta enfoca riba e registracion structural di e donantenan di stamcel den e parti Caribense di Reino Hulandes. E meta ta, pa aumenta e oportunidad di haya un match apropia, pa e pashentnan cu tin e raisnan Caribense. 

Pa ofrece e pashentnan di diferente origen un oportunidad husto pa recuperacion, ta esencial cu e base di dato di e donantenan di Matchis ta refleha e diversidad cu tin den nos sociedad. E origen of herencia familiar di un persona ta hunga un rol importante den e buskeda pa un match apropia entre donante y pashent.

P’esey a funda Stichting Matchis Caribbean: pa informa e personanan den area di Caribe tocante donacion di stamcel y ofrece nan e oportunidad pa registra nan mes como donante.

Colaboracion entre Matchis Caribbean y Stichting Matchis

Stichting Matchis ta brinda sosten na Matchis Caribbean mediante su recursonan, conocemento, experticio y experiencia. Esaki ta posibel, entre otro, danki na e apoyo financiero di Ministerio di Salud Publico, Bienestar y Deporte di Hulanda. 

E colaboracion aki ta nifica concretamenta cu e donantenan di stamcel ta registra den e registro Hulandes di donante di stamcel di Matchis. Di e forma aki, ta inclui e donantenan anonimamente den e base di dato mundial di donante.  

Ora resulta cu un donante ta un match apropia pa un pashent, Stiching Matchis na Hulanda, ta organisa y ehecuta e proceso completo di donacion. 

E metanan

E proyecto tin como meta, pa den e añanan cu ta bin, pa registra minimo 5.000 donante di stamcel den e parti Caribense di Reino Hulandes. Cu esaki, nos kier aumenta e posibilidad, pa e pashentnan haya un donante apropia. Den e prome aña e enfoke principal lo ta riba reclutamento y registracion na Aruba y despues lo amplia e iniciativa den fase na e otro islanan.