CMV
Banda di determina e tipificacion di e HLA, ta uza e slijmvlies di e wang di e donante tambe pa determina e condicion di CMV. Ora cu durante un seleccion, e supuesto condicion di CMV aki (pues di e donante ta of no ta infecta cu CMV virus) ta conoci, por determina mas liher si e donante ta cuadra bon cu e pashent. Pero kico CMV ta exactamente y con e condicion aki ta hunga un rol cerca un donacion di stamcel.
Page content
Kico ta CMV?
CMV ta abreviacion pa citomegalovirus (cytomegalievirus). Ta un virus cu ta existi riba henter mundo y mas cu mitar di poblacion Hulandes a pasa den un infeccion di CMV un biaha. Mayoria hende no ta experiencia ningun keho, ora nan ta infecta. Si tin keho, nan ta generalmente similar na griep y nan ta bay di nan mes.
Ora bo haya un infeccion di CMV, bo ta carga e virus semper cu bo, pero ta bo sistema inmunologico ta logra mantene e virus bou di control.
Dicon e aspecto di CMV ta hunga un rol?
Si un hende a infecta of no cu CMV, esey ta hunga un rol hopi importante den transplante di stamcel. Ta importante cu e condicion di CMV di e pashent y e donante ta mescos, pues ambos positivo (si tabata infecta), of ambos negativo (no tabata infecta). E condicion di CMV di e donante ta specialmente relevante, ora e pashent ta CMV-positivo.
Ora un pashent ta infecta cu e virus CMV y ta haya stamcel di un donante cu no a haya e virus, e pashent no ta proteha mas contra un (re)infeccion di CMV despues di transplante di stamcel. Esaki ta door cu e celnan di donante nunca a bin den contacto prome cu e virus CMV y p’esey nan no a desaroya inmunidad contra e virus. E situacion aki por causa un reactivacion di e virus den e curpa di e pashent, pasobra ainda e virus ta presente. Esaki por conduci na risico di salud pa e pashent. P’esey mester haci test riba CMV y ta un parti importante, ora cu ta busca un donante di stamcel pa un pashent.
Di otro banda, un donante cu ta CMV-positivo por transmiti e virus na e pashent cu ta CMV-negativo. Door cu e celnan donante ya ta custumbra cu e CMV-virus, por ta posibel cu nan ta reacciona bon contra e virus den curpa di e pashent. P’esey e situacion aki ta menos serio cu ora e pashent ta CMV-positivo y e donante ta CMV-negativo. Pero pa un pashent CMV-negativo, un donante CMV-negativo ta e mihor opcion. Top of FormBottom of Form
Lo yama mi mas liher si mi condicion di CMV ta conoci?
Si, esaki sigur ta posibel. Si durante e seleccion di e mihor donante e condicion di CMV di un donador ta conoci, e donante aki lo haya preferencia riba un donador cu condicion di CMV-status cu no ta conoci, si nan ta igual cu otro.
