Interview

Viviana tokante bira donante, ta un posible match i e impacto di donashon di selula madre

Na 2021, Viviana a inskribí komo donante di selula madre, sin sa si algun dia lo sali algu di esei. Dos aña despues, inesperadamente e a haña un yamada den kua a wordu informá ku e tabata un posible match pa un pashent. Den e historia aki, e ta konta kon e a eksperensia e proseso di donashon i pakiko e ke animá otro hende pa tambe inskribí.

“Talbes mi por a yuda un hende”

Mi a disidí pa bira donante di selula madre despues ku un hende ku mi konosé a pone un mensahe riba social media ku un yamada pa bira donante. Un familiar di dje tabata mester selulanan madre i esey a motivá mi pa inskribí i wak si talbes mi por a yuda.

Esei tabata na algun momento den 2021 òf 2022. Na e momento ey, de berdat mi a inskribí sin speransa òf ekspektativa. Naturalmente, mi a spera ku algun dia mi lo por nifiká algu pa un hende, pero bo no ta pensa mesora ku bo lo ta realmente un match.

Un yamada balioso

Mas o ménos na final di 2023, a laga mi sa ku mi tabata un posible match. Pa bisa berdat, esey a tabata un shòk grandi, pasobra mi no a spera ku despues di inskribí, bo lo wordu yama di berdat pa un hende.

Na mesun tempu, mi a sinti mi hopi felis i agradecí ku mi a haña e oportunidat pa yuda un hende i talbes asta salva un bida. Finalmente, e donashon a tuma lugá na kuminsamentu di 2024.

Loke a hasi esaki mas spesial pa mi ainda, tabata e realisashon ku pa mi e no a kosta hopi, miéntras pa e risibidó por nifiká tur kos.

Un proseso kla i suave

Henter e proseso a pasa hopi kla i suave. Despues ku mi a haña e yamada ku mi tabata un posible match, mi a pasa tur e kontrol médiko ku tabata nesesario via Matchis. Ora tur kos a wordu aprobá, mi a por a bai hospital pa e donashon mes.

For di e promé yamada te na e donashon, e trayekto a dura mas o ménos kuater luna.

Den hospital, mi a wordu risibí hopi amabel. E personal a pone mi na gemak enseguida, pasobra tur hende tabata sa eksaktamente pakiko mi tabata ei. Mi a sinti mi bon guia durante henter e proseso.

E donashon mes

E donashon di selula madre mes a bai bastante lihé, pasobra mi kurpa a produce hopi selulanan madre di antemano dor di un sustansia ku mi a haña den e siman promé.

Mi no sa nada tokante e pashent ku a risibí mi selulanan madre, pero e idea ku mi a por a yuda un hende di un forma asina importante ya ta nifiká hopi pa mi.

Lihe bek na normal

Despues di e donashon, en general mi a sinti mi bon. Mi tabata un tiki kansá, pero despues di mas o ménos dos dia mi a sinti mi mes completamente normal atrobe.

Esaki a hasi mi haya mas kla ainda kon spesial donashon di selula madre ta: un esfuerzo relativamente chikí por literal ta vital pa un otro hende.

“Bo por salva bida di un hende”

Na hende ku ainda ta duda pa inskribí komo donante di selula madre, mi lo kier bisa: hasi esey.

Bo tin e oportunidat pa posiblemente salva bida di un hende. I pa bisa berdat: kiko por ta mas bunita ku duna un hende e oportunidat pa sigui biba su bida?