5 pregunta frekuente tokante donashon di stamcel

1. Con grandi e chens ta pa yama mi?  

E chens ey ta hopi chikito, menos di 1%. P’esey ta importante cu tin mas hopi donante di stamcel cu ta posibel registra.

E chens pa yama bo por ta poco diferente tambe pa cada persona.  E factornan manera edad, sexo y origen ta hunga un rol. Hopi biaha e stamcelnan di un donante mas jong tin preferencia, door cu esaki ta ofrece e mihor chensnan di recuperacion pa e pashent. 

2. Mi ta haya pago pa haci donacion?

Si nan yama bo como donante di stamcel, bo ta haya tur gasto cubri. Por pensa riba: gasto di biahe, ausencia di bo trabou, un anochi na hotel cerca di e hospital, etc. Pa haci e donacion di e stamcel mes, bo no mag di ricibi pago. Esaki ta stipula den ley na Hulanda.    

3. Donacion di stamcel ta haci dolor?  

E donacion mes no ta haci dolor. Ora di haci donacion via sanger, bo ta sinti solamente e priknan di e infus den bo brasanan. Donacion mediante beenmerg, bo ta bay bou di narcose, pa bo no sinti e priknan den bo bekken. 

Si por pasa, cu den e dianan rond di e donacion bo por experiencia algun malestar. Cu donacion haci via sanger ta experiencia malestar specialmente den e dianan prome cu e donacion mes y cu donacion haci via beenmerg ta e dianan despues di haci e donacion.

Sanger: Prome cu donacion via sanger, bo ta ricibi un factor di crecemento. E factor aki ta haci cu bo stemcelnan ta move for di e beenmerg bay na e sanger. E factor di crecemento por causa un sensacion manera griep y dolor di weso. E cantidad di malestar cu un persona por sinti, ta varia pa cada donante. Riba e dia di donacion mes, e kehonan aki generalmente ta bay. 

Beenmerg: Ora haci donacion via beenmerg, no tin mester di factor di crecemento, pues bo no ta experiencia malestar prome cu e donacion. Si por sosode cu den e dianan despues di e donacion, bo por sinti un sensacion un tiki doloroso of sensibel na e lugar cu a saca beenmerg. Tambe bo por experencia cansancio.  

4. Si yama mi, mi por bisa ‘no’ ainda?   

Sigur cu si! Donacion di stamcel ta un proceso boluntario y como donador semper bo mes por dicidi kico bo kier of no kier haci

For di momento cu yama bo como posibel match, nos lo puntra bo mas biaha durante e proceso, si ainda bo ta dispuesto pa sigui cu esaki.

Naturalmente nos ta spera cu prome cu bo registra, bo a lesa tur informacion bon prome riba nos website, pa asina bo sa pa kico bo ta inscribi p’e.

Si bo ta un (posibel) match y bo tin duda, nos ta pidi bo pa indica esaki mas pronto cu ta posibel. Mas liher den e proceso nos sa di esaki, mas chikito e consecuencianan ta pa e pashent, si como donante bo dicidi toch pa no sigui.

5. Mi por sa pa ken mi a haci donacion  

Donacion di stamcel ta un proceso anonimo. Esaki ta nifica cu como donante bo no sa pa ken bo ta haci e donacion y e pashent tampoco no sa di ken el a haya e stamcelnan. Si bo lo ricibi informacion tocante e categoria di edad y e sexo di e pashent, p’asina bo por tin un poco idea di e persona cu bo a haci e donacion.

Tambe e donantenan y e pashentnan por manda carta anonimo pa otro. Den e cartanan aki no mag tin detaye personal y nan mester ta skirbi na Ingles.